ԼՂՀ քաղաքացիական ծառայության խորհրդի գործունեության 10-րդ տարեդարձի կապակցությամբ ԼՂՀ Նախագահ Բակո Սահակյանը ստորագրել է հրամանագրեր քաղաքացիական ծառայության աշխատակիցների պարգևատրելու մասին, այս մասին տեղեկացնում է ԼՂՀ Նախագահի աշխատակազմի տեղեկատվության գլխավոր վարչություն։
Հանրապետությունում քաղաքացիական ծառայության համակարգի կայացման ու զարգացման գործում ունեցած ավանդի համար «Երախտագիտություն» մեդալով պարգևատրվել են ԼՂՀ քաղաքացիական ծառայության խորհրդի նախագահ Բորիս Առուշանյանը և ՀՀ քաղաքացիական ծառայության խորհրդի նախագահ Մանվել Բադալյանը:
«Մխիթար Գոշ» մեդալով պարգևատրվել են ԼՂՀ քաղաքացիական ծառայության խորհրդի անդամ Վալերի Աթաջանյանը, ԼՂՀ կենտրոնական ընտրական հանձնաժողովի նախագահ, ԼՂՀ քաղաքացիական ծառայության խորհրդի անդամ 2004-2008 թթ Սրբուհի Արզումանյանը:
ԼՂՀ Նախագահն ստորագրել է նաև կարգադրություն՝ ծառայողական պարտականությունները բարեխղճորեն կատարելու համար ԼՂՀ քաղծառայության խորհրդի մի խումբ աշխատակիցների արժեքավոր նվերներ հանձնելու մասին: