ԼՂ հակամարտության կարգավորման արդյունքում բոլորը շահելու են ամուր խաղաղությունից: Ինչպես հայտնում է Trend գործակալությունը, Բրյուսելում կայացած Ադրբեջան-ԵՄ համագործակցության խորհրդի նիստից հետո հայտարարել է ԵՄ արտաքին քաղաքականության պատասխանատու Ֆեդերիկա Մոգերինին:
«Անցած շաբաթ մենք ականատես եղանք ԵԱՀԿ ՄԽ համանախագահների հովանու ներքո տեղի ունեցած Հայաստանի և Ադրբեջանի առաջնորդների դրական հանդիպմանը: Բարձր մակարդակով շփումները և կրակի ռեժիմի խախտումների էական կրճատումը մեզ որոշակի հույսեր է տալիս, որ գործընթացը կարող է առաջ շարժվել»,-ասել է Մոգերինին:
ԵՄ պաշտոնյայի խոսքերով, խաղաղությունից կշահի ամբողջ տարածաշրջանը, ոչ թե միայն Հայաստանն ու Ադրբեջանը:
