Ուկրաինայում այսօրվաից կգործի համաներումը, որով նախատեսվում է քրեական պատասխանատվությունից ազատել Եվրամայդանի ցուցարարներին, հայտնում է «Ազատության» ռուսալեզու ծառայությունը:
Ըստ աղբյուրի` ցուցարարները կատարել են իշխանությունների պահանջները, այն է` սկսել են ազատել գրավված վարչական շինությունները, ինչն էլ և համաներման ուժի մեջ մտնելու նախապայման էր:
Նախօրեին ցուցարարները հեռացել էին Կիևի քաղաքապետարանի շենքից, որը գրավել էին մոտ 2 ամիս առաջ: Նրանք նաև մասամբ ապարգելափակել են Գրուշևսկու փողոցը, որը ցուցարարների և իրավապահների միջև բախումների գոտի էր դարձել:
Կիրակի օրը հայտնի էր դարձել, որ ուկրաինական ընդդիմությունը ազատել է ևս 4` մարզային վարչական շենք:
Այս համաներումով քրեական պատասխանատվությունից կազատվի 268 մարդ և մեկ ամսվա ընթացքում կփակվի 108 քրեական գործ, ինչը հաստատել են նաև Ուկրաինայի Գլխավոր դատախազությունից: