«Սպայկա» ընկերության աշխատակիցները բողոքի ակցիա են իրականացնում դատարանի մոտ, որի որոշմամբ քիչ առաջ ընկերության տնօրեն Դավիթ Ղազարյանի նկատմամբ որպես խափանման միջոց ընտրվեց կալանավորումը:
Ակցիայի մասնակիցները պահանջում են, որ ՀՀ վարչապետ Նիկոլ Փաշինյանը ներկայանա, պատասխանի իրենց հարցերին:
Բողոքի ակցիայի մասնակիցները նշում են, որ փակելու են ճանապարհները, չեն բացելու, քանի դեռ վարչապետ Փաշինյանը չի լուծել հարցը, և ազատ չի արձակվել Ղազարյանը:
Նրանց խոսքերով, Դավիթ Ղազարյանը հերոս է, որ ներդրումներ է բերել Հայաստան, իսկ հիմա որևէ մեկն այլևս ներդրումներ չի բերելու: