Սուդանի բանակը երկրում ռազմական հեղաշրջում է իրականացրել: Այս մասին հայտնում է արաբական Ալ Մայադինը:
Զինվորականները որոշել են պաշտոնանկ անել երկրի նախագահ Օմար ալ-Բաշիրին, նրան հեռացնել բոլոր զբաղեցրած պաշտոններից և ցրել կառավարությունը:
ՏԱՍՍ գործակալությունը, հղում անելով տեղի ԶԼՄ-ներին, գրում է, որ զինվորական խորհուրդը որոշում է կայացրել երկրում իշխանությունը մեկ տարի ժամկետով վերցնել իր ձեռքը:
Նախագահական պալատն արդեն շրջափակված է զինվորականների կողմից, վերջիններս գրավել են նաև հանրային ռադիոն և հեռուստաընկերությունը: Հնչում են հայրենասիրական երգեր:
Հավելենք, որ վերջին շաբաթների ընթացքում Սուդանում չէին դադարում նախագահի հրաժարականը պահանջող ցույցերը:
