Ապրիլի 9-ին առավոտյան 9:15-ից մինչև 13:00-ն վարչապետը եղել է ՊԵԿ-ում: Այս մասին լրագրողների հետ զրույցում հայտնել է ՊԵԿ նախագահ Դավիթ Անանյանը՝ զարմանք հայտնելով, որ լրագրողները կենտրոնացել են հենց հայտնի աշխատակցի հետ կապված դրվագի վրա, երբ վարչապետը կարգադրեց աշխատանքից ազատել նրան:
Անանյանը նշեց, որ վարչապետի կոչ-հորդորին, վերոնշյալ աշխատակիցը պատասխանել է դիմում գրելով. «Եվ ոչ միայն տվյալ աշխատակիցը, այլ նաև ավտոմաքսատան պետն ազատման դիմում է գրել: Դա այդ մարդկանց ընտրությունն է»:
