Այսօր՝ ապրիլի 13-ին, Հյուսիսային պողոտայում «Հպարտ երիտասարդական շարժում» ՀԿ-ն կազմակերպել էր միջոցառում՝ նվիրված Հայաստան-Արցախ միասնությանը:
Միջոցառմանը մասնակցում էին բազմաթիվ երիտասարդներ, ովքեր փոքրիկ քայլերթ կազմակերպեցին Օպերայի և բալետի ազգային թատրոնի շենքից դեպի Հյուսիսային պողոտա։
Միջոցառման մասնակիցները հնչեցրեցին ազատագրական երգեր և երաժշտություն, որից հետո պատրաստեցին «Հայրենիք» անվամբ քարտեզ, այնուհետև, շրջապատելով քարտեզը, հայոց եռագույնը բարձրացրած՝ իրականացրեցին ֆլեշմոբ։
Միջոցառումն ավարտվեց եռագույն դրոշի մասին հայրենասիրական երգի ներքո։
