Հյուսիսային Կորեայի առաջնորդ Կիմ Չեն Ընը հայտարարել է, որ կցանկանար մասնակցել ԱՄՆ նախագահ Դոնալդ Թրամփի հետ երրորդ գագաթաժողովին, բայց այն դեպքում, երբ ԱՄՆ-ն ցուցաբերի «ճիշտ վերաբերմունք»: Այս մասին հայտնում է BBC-ն՝ հղում անելով Հյուսիսային Կորեայի պետական լրատվական գործակալությանը:
Կիմ Չեն Ընը կոչ է արել ԱՄՆ նախագահին կնքել մի գործարք, որը երկու երկրների համար երկկողմանի ընդունելի կլինի:
Հիշեցնենք, որ ԱՄՆ նախագահ Դոնալդ Թրամփն ու Հյուսիսային Կորեայի առաջնորդ Կիմ Չեն Ընն առաջին անգամ հանդիպել են 2018 թվականին, Սինգապուրում։