Հասարակություն 

Երևանում 2 տարեկան երեխան կորել է` տատիկից ու պապիկից փախչելով. Sputnik

Երևանում տարօրինակ դեպք է գրանցվել. Երևանի կենտրոնում երեխային զբոսանքի տարած տատին ու պապիկը որոշել են բանկոմատից գումար հանել ու չեն նկատել, թե ինչպես է այդ պահին իրենցից փախել 2 տարեկան թոռնիկը։  Այս մասին հայտնում է Sputnik Արմենիան՝ հղում անելով քաղաքի կենտրոնական փողոցներում ծառայություն իրականացնող ոստիկաններին: Դեպքը տեղի է ունեցել մի քանի օր առաջ։

«Բնականաբար, ավագ սերնդի ներկայացուցիչ տատիկ–պապիկի համար մի քիչ դժվար է բանկոմատից գումար հանելը։ Նրանք երկուսով կենտրոնացել էին բանկոմատի վրա։ Երեխան էլ օգտվել է առիթից ու գնացել է իր հետաքրքրությունների հետևից»,– պատմել է ոստիկանության ավագ լեյտենանտ Արմեն Խաչատրյանը։

Երեխայի կորուստը նկատած տատիկն ու պապիկը դիմել են ոստիկաններին` խնդրելով օգնել իրենց։

Բարեբախտաբար, ոստիկաններին հաջողվել է շատ արագ գտնել նրան։ Ինչպես նշեց մեր զրուցակիցը, այդպիսի դեպքերում իրենք փորձում են հասկանալ մեծերի հսկողությունից ազատված երեխայի հոգեբանությունը։

Մանրամասն՝ armeniasputnik.am

  • 29
  •  
  •  
  • 1
  •  
  • 1
  •  
  •  
  •  
    31
    Shares

Նույն շարքից