Քաղաքականություն 

Փաշինյանը պաշտոնից կազատի 1995 թվականից գործադիրում աշխատող կառավարության հնաբնակներից ևս մեկին. «Հրապարակ»

«Հրապարակ» թերթը գրում է. «Ամենայն հավանականությամբ, առաջիկայում պաշտոնին հրաժեշտ կտա կառավարության հնաբնակներից ևս մեկը․ խոսքը ՀՀ կառավարության աշխատակազմի՝ Ազգային ժողովի հետ կապերի վարչության պետ Ամալյա Ենգոյանի մասին է, որը պետական համակարգում է դեռևս անհիշելի ժամանակներից։

1990-ականներից նա ԱԺ-ում է աշխատել, սկզբում տարածքային հանձնաժողովի նախագահ Արշակ Սադոյանի, ապա Խոսրով Հարությունյանի քարտուղարուհին է եղել (այն ժամանակ գործավարուհի չկար), 1992-ին օգնականի հաստիքով կառավարություն է տեղափոխվել՝ Խոսրով Հարությունյանի հետ, երբ վերջինս դարձել է վարչապետ, 1995-ից մինչ օրս կառավարության աշխատակազմի՝ Ազգային ժողովի հետ կապերի վարչության պետի պաշտոնն է զբաղեցնում։

Համարվում է ամենատեղեկացված ու բարեխիղճ պաշտոնյաներից մեկը։ Տեղեկություններ կան, որ Փաշինյանը գոհ չէ նաև նրա աշխատանքից և սպասում է նրա՝ արձակուրդից վերադառնալուն պես ազատման դիմումը գրել տա»:

Մանրամասն՝ թերթի այսօրվա համարում

  • 26
  •  
  •  
  •  
  •  
  • 1
  • 1
  •  
  •  
    28
    Shares

Նույն շարքից