Իրականում երկու րոպեն բավականաչափ կարճ ժամանակահատված է, սակայն այդ ժամանակահատվածն անգամ բավարար է, որպեսզի բացահայտենք այս ծրագրի ամենակարևոր առեղծվածը՝ թվերը: Հիմա ես հնչեցնելու եմ դրանք: Այսօր՝ ապրիլի 17-ին, խորհրդարանում կառավարության կառուցվածքի մասին նախագծի քննարկման ժամանակ հայտարարեց Իմ քայլը խմբակցության պատգամավոր Վարազդատ Կարապետյանը՝ խոսելով թվերի մասին, որոնք պահանջում են ընդդիմադիրները, թե քանի աշխատատեղ է կրճատվելու և այլն:
«78 և 346 միլիոն 148 հազար 264,69», -ասաց Կարապետյանը, շնորհակալություն հայտնեց և հեռացավ ամբիոնի մոտից:
