Հասարակություն 

Ով նման բան ասել է, անբարոյականի տղա է. Գագիկ Ծառուկյան

Մինչև չլինի իրավապահ մարմինների համապատասխան գնահատականը, ես չեմ կարող ասել, ես եղունգ չեմ նայում: Գործը քննվում է, կքննվի, կվերջանա, կնայենք: Քաղաքական է, քաղաքական չէ, ծանոթով է, թե՝ չէ, պետք է լինի իրավապահների համապատասխան մարմինների համապատասխան եզրակացությունը: Այս մասին լրագրողների հետ զրույցում հայտարարել է ԲՀԿ առաջնորդ Գագիկ Ծառուկյանը՝ պատասխանելով հարցին, թե ինչ է մտածում Ռոբերտ Քոչարյանի հայտարարության մասին, որ իր նկատմամբ քաղաքական հետապնդում է իրականացվում:

Հարցին, թե ինքը հարցաքննվել է արդյո՞ք մարտի 1-ի գործով, Ծառուկյանն ասաց, որ ինքը կապ չունի այդ գործի հետ:

Դիտարկմանը, որ հայտարարություններ են եղել, թե եղել է գաղտնի շտաբ, որի անդամ է եղել նաև ինքն ու իր անունն էլ է շրջանառվում, Ծառուկյանն ասաց. «Իմ անունը, անբարոյականի տղերքն ասելով, Ծառուկյանի անվան վրա ինչ-որ բիծ քաշելով, ես ձեզ ասել եմ, աղջիկ ջան, ես իմ ժողովրդի ցավը տանեմ: Իսկ ձեզ էլ պետք է մի քիչ միտք, որ նույն  բանը մի քանի անգամ չհարցնեք: Ծառուկյանն ի՞նչ կապ ունի դրա հետ: Հիմա ես եթե մի վատ բան ասեմ, վատ կգզաս, չէ՞ աղջիկ ջան: Ես դրա հետ կապ չունեմ: Ով նման բան է ասել, անբարոյականի տղա է»:

Ծառուկյանը նշել է, որ Հայաստանում չկամությունը շատ է, նախանձը շատ է, մարդը պետք է կամեցող ու բարի լինի, մարդուն չի կարելի հիասթափեցնել, Ծառուկյանին նախանձում են:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից