Հասարակություն 

«Շաքար» հարաբերություններ են ձևավորվել Փաշինյանի աներձագի և Սամվել Ալեքսանյանի քրոջ որդիների միջև. «Հրապարակ»

«Հրապարակ» թերթը գրում է. «Մեզ փոխանցել էին, որ Սամվել Ալեքսանյանի շփումներն իշխանության հետ չեն ավարտվում Աննա Հակոբյանի հիմնադրամին փոխանցումներով, «շաքար» հարաբերություններ են ձևավորվել Աննայի եղբոր՝ Հրաչ Հակոբյանի և Ալեքսանյանի քրոջ որդիների միջև․ նրանց միասին տեսել են «Լա Սկալա» համալիրում` «ցկցկալիս»։ Ճի՞շտ են այդ լուրերը․ հարցրինք պատգամավոր Հրաչ Հակոբյանին։

«Էդ տիպի լուրերն էնքա՜ն շատ են։ Սամվել Ալեքսանյանի քրոջ որդու հետ հանդիպել եմ վերջերս՝ իրենք միջնորդով ցանկացել էին ինձ տեսնել, որովհետև Արարատի մարզում ինչ-որ գործունեություն են ծավալում, Արարատի մարզպետի հետ միջնորդ չկար, որ հանդիպեին, ինձ հետ հանդիպեցին, որից հետո ես կազմակերպել եմ հանդիպում մարզպետի հետ։ Խոսքը վերաբերում էր նրան, որ իրենց կառուցած գործարանի համար պետք էր ճանապարհ կառուցել` թույլտվություն էր պետք»: Այ քեզ բան՝ Ալեքսանյանն ու իր քրոջ որդիները Ձեր հույսի՞ն էին մնացել, այսինքն՝ չեք «ցկցկում»։ «Ո՛չ, չեմ ցկցկում. ժամանակ չունեմ ցկցկալու»:

Հիշո՞ւմ եք` մի ժամանակ Ակսել Բակունցի գործերում էիք խաղում (Հ․ Հակոբյանը մասնագիտությամբ դերասան է, նկարահանվել է սերիալներում, ֆիլմերում), հիմա, փաստորեն՝ «միջնորդ տեր-բաբա»։ «Չէ, չէ` էդ մի հարցով խնդրել էին, կազմակերպեցի, ընդամենը՝ էդ, որովհետև կար մարզի շահը՝ աշխատատեղեր էին բացվելու»:

Մանրամասն՝ թերթի այսօրվա համարում

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից