Շրի Լանկայում ահաբեկչությունների շարքի զոհերի թիվը հասել է 290-ի: Այս մասին հայտնում են տեղի ԶԼՄ-ները՝ հղում անելով ոստիկանությանը:
Վիրավորների թիվը հասնում է 500-ի:
Հիշեցնենք, որ Շրի Լանկայում կիրակի օրը 8 պայթյուն տեղի ունեցավ: Ահաբեկիչների թիրախ են դարձել մայրաքաղաքում գտնվող թանկարժեք հյուրանոցները, ինչպես նաև մայրաքաղաքում և Նեգոմբո ու Բատտիկալոա քաղաքներում գտնվող եկեղեցիները:
Արևմտյան լրատվամիջոցները գրում են, որ ահաբեկչությունն, ամենայն հավանականությամ, տեղի Թաուհիդ ջամաաթ ծայրահեղական խմբավորման ձեռքի գործն է:
Ոստիկանության տեղեկություններով, արդեն 13 ձերբակալված կա, որոնք կապ ունեն հարձակումների հետ: Իրավապահները ձերբակալել են այդ թվում նաև վարորդին, ով հնարավոր է հարձակվողներին տեղափոխել է համապատասխան վայրեր: