Ֆրեզնոյում Հայաստանի պատվավոր հյուպատոս Բերչ Աբգարյանը «KSEE»-ի հետ զրույցում չի բացառել, որ ԱՄՆ նախագահ Դոնալդ Թրամփը կարող է ճանաչել Հայոց ցեղասպանությունը:
Աբգարյանը նշել է, որ Թրամփը ոչ օրդինար քաղաքական գործիչ է, ոչ ավանդական մոտեցումներ ունի ամենատարբեր հարցերում, և նրա դեպքում Հայոց ցեղասպանության ճանաչումը ամենահավանականն է:
Աբգարյանի խոսքերով, հիմա ամենահարմար պահն է ԱՄՆ-ի և ԱՄՆ-ի նախագահի համար Հայոց ցեղասպանություն ճանաչելու հարցում, այդ թվում նաև թուրք-ամերիկյան հարաբերություններում տիրող իրավիճակի պատճառով: