Վլադիվոստոկում վայրէջք է կատարել երկու օդանավ, որոնք օդ են բարձրացրել Հյուսիսային Կորեայից: Այս մասին հայտնում է Ինտերֆաքսը՝ հավելելով, որ չվերթները պլանավորված չեն եղել:
Լրատվամիջոցների տեղեկություններով, օդանավերի մեջ, ամենայն հավանականությամբ, եղել են հյուսիսկորեական հատուկ ծառայությունների աշխատակիցները, որոնք նախապատրաստելու են Կիմ Չեն Ընի այցը Ռուսաստան:
Ռուսաստանի և Հյուսիսային Կորեայի ղեկավարների հանդիպումը կայանալու է ապրիլի 25-ին: