Բելառուսի նախագահ Ալեքսանդր Լուկաշենկոյի նկատմամբ ՌԴ նախագահ Վլադիմիր Պուտինի դժգոհությունն աճում է: Այս մասին հայտնում է Bloomberg-ը՝ հղում անելով Կրեմլին մոտ կանգնած իր աղբյուրներին: Պուտինը մտահոգ է, որ Մինսկը կարող է դուրս գալ Մոսկվայի ազդեցության տակից:
Կրեմլը դեռ չի մեկնաբանել գործակալության տարածած տեղեկությունները:
Bloomberg-ը հավելում է, որ Բելառուսն իր հերթին մտահոգ է Ռուսաստանի ավելացող ճնշման մասով, որը դրսևորվում է նաև տնտեսական օգնության կրճատման վտանգով: Մինսկի անհանգստությունները հնարավոր է կապված են հետագա ինտեգրացիոն գործընթացների հետ: