Ֆրանսիայի նախագահ Էմանյուել Մակրոնը թվիթերյան իր էջում գրառում է արել Հայոց ցեղասպանության թեմայով:
«Ապրիլի 24-ին մենք պաշտոնապես ոգեկոչում ենք Հայոց ցեղասպանության զոհերի հիշատակը, որպեսզի հիշենք, որ մարդն ընդունակ է վատագույնին, երբ մոռանում է, թե ինչն է իրեն կապում իր հարևանի հետ, և որ պատմությունը չկրկնի նրա սխալները»:
Հիշեցնենք, որ նախագահ Մակրոնի որոշմամբ, այս տարվանից սկսած ամեն տարի ապրիլի 24-ը Ֆրանսիայում լինելու է Հայոց ցեղասպանության զոհերի հիշատակի օր: