Շրի Լանկայի հատուկ ծառայությունները հետևել են ապրիլի 21-ին տեղի ունեցած ահաբեկչություններն իրականացողներին, սակայն չեն ձերբակալել նրանց, քանի որ ապացույցները թույլ են եղել: Այս մասին հայտնում է CNN-ը՝ հղում անելով երկրի վարչապետ Ռունիլ Վիքրամասինգհին:
Վարչապետն ասել է, որ ապացույցները բավարար չեն եղել ձերբակալության համար:
Ավելի վաղ տեղեկություններ էին հայտնվել այն մասին, որ ահաբեկիչների մեծ մասը լավ կրթություն են ստացել ու բարեկեցիկ ընտանիքներից են:
