Մարոկկոյում անօրինական միգրանտներով ավտոմեքենան ընկել է ջրանցքը․ կան զոհեր

Մարոկկոյում տեղի ունեցած ավտովթարի հետևանքով 16 անօրինական միգրանտներ են զոհվել, իսկ 17-ը տուժել: Այս մասին հայտնում է ՌԻԱ Նովոստին։

Նշվում է, որ Սահարայից հարավ գտնվող աֆրիկյան երկրներից միգրանտներ տեղափոխող ավտոմեքենան Մարոկկոյի արևելյան Սայդիյա և Նադոր քաղաքների միջև ընկել է ոռոգման ջրանցքը։

Դեպքի վայր են ժամանել արտակարգ ծառայությունների աշխատակիցներ: Վթարի ստույգ պատճառը հայտնի չէ։