Վենեսուելայի նախագահ Նիկոլաս Մադուրոն հայտարարել է, որ երկրում պետական հեղաշրջման փորձը տապալված է:
Իր ուղերձում Մադուրոն նշել է, որ պետական հեղաշրջման նախաձեռնողը Կարակասի նախկին քաղաքապետ, «Ժողովրդական կամք» սոցիալ-դեմոկրատական կուսակցության հիմնադիր Լեոպոլդ Լոպեսն է:
Ապրիլի 30-ին վենեսուելական ընդդիմության առաջնորդ Խուան Գուայդոն հայտարարել էր «Ազատություն» օպերացիայի վերջնական փուլի սկզբի մասին, որի նպատակն է տապալել գործող նախագահի իշխանությունը: Ավելի ուշ Կարակասում բախումներ սկսվեցին ոստիկանների և ցուցարարների միջև:
