Իտալիայի նախկին վարչապետ Սիլվիո Բեռլուսկոնին, որը երեկ հոսպիտալացվել է, վիրահատության է ենթարկվել` կապված աղիքային անանցելության հետ։ Այս մասին հայտնում է ՌԻԱ Նովոստին՝ հղում անելով վերջինիս կուսակցության հայտարարությանը:
Վիրահատությունը բարեհաջող է անցել, Բեռլուսկոնին մոտ օրերս դուրս կգրվի հիվանդանոցից:
Ավելի վաղ հայտնել էինք, որ վերջինս հոսպիտալացվել է և գտնվում է Միլանի հիվանդանոցներից մեկում: 82-ամյա Բեռլուսկոնին հիվանդանոց է տեղափոխվել երիկամի հետ ունեցած խնդիրների պատճառով:
