Իրանը տեղյակ է պահել Ռուսաստանի, Մեծ Բրիտանիայի, Ֆրանսիայի, Գերմանիայի և Չինաստանի դեսպաններին, որ հրաժարվում է կատարել մի շարք պարտավորություններ, որոնք ստանձնել է միջուկային պայմանագրի շրջանակներում: Այս մասին հայտնում է Reuters-ը;
Թեհրանը պայմանագրի մասնակիցներին 60 օր ժամանակ է տվել բանակցությունների համար:
Նշվում է, որ համապատասխան նամակն Իրանի նախագահ Հասան Ռոհանիի կողմից փոխանցվել է այն երկրների ներկայացուցիչներին, որոնք դեռ հավատարիմ են պայմանագրին:
Ինչ վերաբերում է ԱՄՆ-ին, ապա Վաշինգտոնին նամակ չի փոխանցվել, քանի որ ամերիկյան կողմն ամիսներ առաջ դուրս է եկել պայմանագրից, ինչից դժգոհ են մնացել բոլոր մնացած կողմերը:
