«Յուվենթուսի» գլխավոր մարզիչ Մասիմիլիանո Ալեգրին 5 տարվա աշխատանքից հետո կլքի թուրինյան գրանդը: Այս մասին հայտնում է La Stampa-ն:
Պարբերական աղբյուրի տեղեկություններով, իտալացին արդեն հանդիպել է ակումբի նախագահ Անդրե Անյելիի, փոխնախագահ Պավել Նեդվեդի և սպորտային տնօրեն Ֆաբիո Պարատիչի հետ: Կողմերը որոշել են դադարեցնել համատեղ աշխատանքը: Ալեգրիի նոր աշխատանքի վայրը կարող է լինել «ՊՍԺ»-ն կամ «Բարսելոնան»:
Թուրինցիները մտադիր են հրավիրել Անտոնիո Կոնտեին, ով 2011-14 թվականներին արդեն գլխավորել է իտալական գրանդը: