Քիչ առաջ լսում էի ՀՀ վարչապետ Նիկոլ Փաշինյանի՝ կառավարության նիստում արտահայտած տեսակետը պաշտպանության նախարար Դավիթ Տոնոյանի կողմից ներկայացված հարցի վերաբերյալ, որն առնչվում է երկարամյա ծառայության զինվորական կենսաթոշակի իրավունք ձեռք բերելու հիմքով զինված ուժերից արձակված անձանց բնակարանային խնդիրների լուծման վերաբերյալ:
Առաջիկա օրերի ընթացքում ինքս կներկայացնեմ նշված հարցի վերաբերյալ իմ դիրքորոշումը, սակայն մինչ այդ, նշեմ, որ կառավարության նիստում այսօր ընդունված որոշումը բավականին վիճահարույց է և ամբողջությամբ չի լուծում նշված կատեգորիայի անձանց բնակարանների խնդիրները:
Առհասարակ կոպիտ սխալ է որևէ հարցի կիսատ լուծումը: Մարդիկ տարիներ շարունակ սպասում են, որ երբևէ կլուծվի իրենց բնակարանի խնդիրը...
Նախևառաջ անհրաժեշտ էր հիմնովին վերլուծել խնդիրը և գնալ արմատական ու ամբողջական լուծման...
