Վաչապետի հիմնած «Քաղաքացիական պայմանագիր» (ՔՊ) կուսակցությունում հունիսի 15-ին նշանակված համագումարին ընդառաջ լուրջ խմորումներ են, որոշ նախարարների հրաժարականների մասին է խոսվում: Կառավարությունում ձեռնարկած կառուցվածքային փոփոխություներից հետո հաջորդ քայլում իշխանությունը մինչև աշուն կադրային փոփոխությունների կգնա: Այս մասին գրում է 168 ժամը:
Կրթության և գիտության (ԿԳ) նախարար Արայիկ Հարությունյանը, ասում են, չի հասցնի դառնալ սուպերնախարար, գործադիրի կազմից նրան դուրս բերելու վարչապետի մշակած ռազմավարությունը հատուկ անուն ունի:
Պատճառաբանվելու է, թե առաջիկայում քաղաքական դաշտում սպասվող ակտիվ գործընթացներով պայմանավորված՝ Արայիկ Հարությունյանը պիտի վերադառնա և ծառայի կուսակցաշինական գործին: Իրականում կարծիք կա, որ նրա նկատմմաբ վերաբերմունք է փոխվել կուսակիցների շրջանում:
Ասում են՝ Արայիկ Հարությունյանը վերջերս պարբերաբար «հայտնաբերում է», որ ինքն այլևս ներգրավված չէ վարչապետի մտերմիկ հավաքներում, իրեն չեն հիշում նաև ընտանեկան առիթների դեպքերում, շատերի հետ Արայիկ Հարությունյանը հարաբերությունները առաջվա պես ջերմ չեն, և այս հանգամանքը կարծես որոշիչ է դառնում նրա նախարարական կարիերայի համար:
Վարչապետի համար հեշտ չի լինի ազատվել Արայիկ Հարությունյանից, նա բոլոր թելերով է կապված վարչապետի քաղաքական ուղեգծին, եղել է նաև ՔՊ կուսակցության համահիմնադիրը, ուստի բացառված չէ նրան լոկալացնելու այլ ելքեր գտնեն:
Ինչ վերաբերում է Սոցիալական պաշտպանության ոլորտի նախարար Զարուհի Բաթոյանին, ապա նրան գործադիրի կազմից դուրս բերելը պայմանավորված է աշխատանքային ծանրությանը չդիմանալու հանգամանքով:
Մանրամասն՝ սկզբնաղբյուր կայքում
