Երևան քաղաքի ընդհանուր իրավասության դատարանում շարունակվում է ՀՀ երկրորդ նախագահ Ռոբերտ Քոչարյանի գործով դատական նիստը:
Նշենք, որ այսօր դատարանը մերժեց դատավորին ինքնաբացարկ հայտնելու մասին ՀՀ նախագահի պաշտպանների միջնորդությունը: Այժմ դատարանը քննում է Քոչարյանի խափանման միջոցի հարցը:
Դատարանի մոտ շարունակվում են դեռ վաղ առավոտյան մեկնարկած ակցիաները՝ հանուն Քոչարյանի և ընդդեմ Քոչարյանի: Այստեղ կենտրոնացված են ոստիկանական մեծ ուժեր:
Քիչ առաջ դատարանի դարպասներից ներս մտան նաև զինվորականներ: Թե ովքեր էին նրանք և ինչու են ժամանել դատարան, հայտնի չէ: