Մայիսի 14-ին, ժամը 14:18-ին 911 ծառայությանն ահազանգ է ստացվել, որ ՀՀ Կառավարության 3-րդ մասնաշենքում պայթուցիկ սարք է տեղադրված:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ և Ճգնաժամային կառավարման ազգային կենտրոնի օպերատիվ խումբը:
Փրկարարները տարհանել են աշխատակիցներին:
Ինչպես տեղից հայտնում է Analitik.am-ի թղթակիցը, ահազանգը կեղծ է եղել: Այդ մասին հայտնել է գնդապետ Հարություն Հարությունյանը:
Միջադեպին անդրադարձել է նաև Աշխատանքի և սոցիալական հարցերի նախարար Զարուհի Բաթոյանը՝ գրելով, որ իրենք լավ են:
