Արևելյան գործընկերության 10-ամյակին նվիրված Բարձր մակարդակի համաժողովից հետո լրագրողների հետ ճեպազրույցում ՀՀ ԱԳ նախարար Զոհրաբ Մնացականյանը, խոսելով Հայաստանի և Ադրբեջանի ղեկավարների նոր հանդիպման մասին, ասել է, որ պետք է մի փոքր էլ համբերել. «Գիտեք որ, մենք սպասում ենք որոշ հստակեցումների հաջորդ փուլի համար, հանդիպման համար, և հյուրընկալող կողմը պետք է ասի, ինչպես է հնարավոր, երբ է հարմար, որպեսզի մենք նույնպես կարողանանք գնահատել այդ ժամկետները, այսինքն, համաձայնել։ Սսկզբունքորեն մենք որևէ խնդիր չունենք»։
Հարցին՝ արդեն հստա՞կ է, որ Վաշինգտոնն է հյուրընկալելու ղեկավարներին, Զոհրաբ Մնացականյան ասել է՝ ակնկալվում է. «Բայց սխալ կլինի որևէ բան ասել։ Նորից եմ կրկնում, հյուրընկալող կողմից առաջ ընկնելը, կարծում եմ, սիրուն բան չէ»։
