Արցախի գործող և նախկին նախագահներ Բակո Սահակյանն ու Արկադի Ղուկասյանը ՀՀ երկրորդ նախագահ Ռոբերտ Քոչարյանի խափանման միջոցի հարցով դատական նիստին կներկայանան այսօր, օրվա երկրորդ կեսին: Այս մասին Factor.am-ի հետ զրույցում հայտնեց Քոչարյանի փաստաբաններից Ռուբեն Սահակյանը՝ հավելելով, որ նրանք արդեն հաստատել են դա:
Հիշեցնենք, որ Սահակյանն ու Ղուկասյանն անձնական երաշխավորություն են ներկայացրել Քոչարյանի ազատության համար: Վերջինիս փաստաբանները միջնորդել էին, որպեսզի նախագահները նիստին մասնակցեն ուրբաթ օրը, սակայն դատարանը խորհուրդ էր տվել այցը կազմակերպել այսօր:
