Հասարակություն 

Հանրությունը չի կարող ներքաշվել մի գործընթացի մեջ, որի իմաստն ու ապագան հետո է իմանալու․ Միքայել Նահապետյան

Ես անձամբ կարծում եմ, որ.

  1. Սահմանադիրը (ժողովուրդը) միշտ իրավունք ունի սահմանադրականության շրջանակներում, իրավունքից բխող գործողություններով հետ կանչել, ցրել իրեն պատկանող իշխանության ցանկացած թևը։ Եթե կարիք կա դրա նպատակով վերանայելու սահմանադրությունը` ժողովուրդը իրավունք ունի վերանայել սահմանադրությունը։ Եվ ԱԺ-ն ունի բավարար իրավական լծակներ այդ գործընթացի մեկնարկը տալու համար։
  2. Ժողովրդի իշխանության բոլոր ճյուղերը պարտավոր են հարգել տարանջատման սկզբունքը, գործել սահմանադրականության շրջանակներում։
  3. Ցանկացած գործողություն նախաձեռնելիս հանրությանը պետք է ներկայացվի դրա շարժառիթը, ճանապարհային քարտեզը, հետևանքները։ Չի կարող այնպես լինել, որ հանրությունը ներքաշվի մի գործընթացի մեջ, որի իմաստն ու ապագան հետո է իմանալու, թեկուզև այդ հետոն 4 ժամ հետոն է։
  4. Դատական իշխանությունը խորքային մաքրման և անկախացման կարիք ունի և դա պետք է կազմակերպվի սահմանադրականության խստիվ պահպանմամբ։

Քաղաքացու որոշում կուսակցության անդամ Միքայել Նահապետյան

  • 89
  •  
  •  
  • 1
  •  
  • 1
  •  
  •  
  •  
    91
    Shares

Նույն շարքից