Մեր երաշխավորությունը նպատակ չէր հետապնդում լրացուցիչ լարվածություն առաջացնելու, ընդհակառակը՝ նպատակ էր հետապնդում թուլացնելու այդ լարվությունը, եթե այն կա: Լրագրողներ հետ զրույցում հայտարարել է Հայաստանում գտնվող Արցախի նախագահ Բակո Սահակյանը, խոսելով իր և Արկադի Ղուկասյանի երաշխավորության մասին՝ կապված ՀՀ երկրորդ նախագահ Ռոբերտ Քոչարյանի խափանման միջոցի հետ:
Սահակյանի խոսքերով, միջորդության մեջ նշված է, որ դա քայլ չէ ուղղված ՀՀ դատական գործընթացը կասկածի տակ առնելու, այն ընդամենը միջնորդություն է խափանման միջոցը փոխելու վերաբերյալ:
Հարցին՝ Մարտի 1-ին Արցախից զորք եկե՞լ է Հայաստան, Արցախի նախագահը պատասխանել է՝ այդ թեմայով բազմաթիվ հայտարարություններ եղել են. «ՀՀ հատուկ քննչական ծառայութունը քննչական գործողություններ է իրականացրել ու շարունակում է իրականացնել»։
Խոսելով Փաշինյանի հայտարարության մասին, թե կան ուժեր, որոնք փորձում են պատերազմ հրահրել հողեր հանձնել և պատասխանատվությունը թողնել ՀՀ իշխանությունների վրա, Սահակյանն ասել է, որ եթե կան այդպիսի ուժեր, պետք է բացահայտել: Արցախի նախագահն ասել է, որ ինքը տեղեկությոններ չունի նման ուժերի մասին. «Եթե կան այդպիսի նպատակներ, ես էլ եմ դա որակում որպես դավաճանություն, ես չունեմ այդպիսի տեղեկություններ»:
