Հասարակություն Բարի օր 

Երևանի ավագանու անդամների շարքերում կան մարդիկ, ովքեր ծաղրում են քրիստոնեությունը, տեսանյութեր կան. Խաչատրյան

Երևանի ավագանին քննարկում է Երևանի փողոցների անվանափոխության հարցը, որը ներկայացրել է Լույս խմբակցությունը: Այս պահին ավագանին արդեն հասցրել է մերժել Մովսես Խորենացու և Մեսրոպ Մաշտոցի փողոցները Սուրբ Մովսես Խորենացի և Սուրբ Մեսրոպ Մաշտոց անվանափոխելու մասին նախագծերը: Դրանց ընդունումը տապալվել է Իմ քայլը խմբակցության որոշմամբ:

Գրիգոր Լուսավորիչի անվան փողոցը Սուրբ Գրիգոր Լուսավորչի փողոց անվանափոխելու հարցի քննարկման ժամանակ նախագիծը ներկայացնող Լույս խմբակցության անդամ Թեհմինա Վարդանյանը հայտարարեց, որ տեղի ունեցած քննարկումներից հետո արդեն ցանկություն չունի ոչինչ ասող հայացքների ներքո ներկայացնել նախագիծը: Երբ քաղաքապետ Հայկ Մարությանը կոչ արեց Վարդանյանին զերծ մնալ ակնաբուժական ակնարկներ անելուց՝ նշելով, որ դա չի նպաստում լավ մթնոլորտ ունենալուն, Վարդանյանն այդուհանդերձ ներկայացրեց նախագիծը՝ նշելով, թե ամոթ է, որ այն հիմա է քնարկվում, քանի որ նույնիսկ Իտալիայում Գրիգոր Լուսավորչի անունով փողոց կա, որը Սուրբ Գրիգոր Լուսավորիչ անունն է կրում:

Լույս խմբակցության անդամ Անի Խաչատրյանն իր հերթին նշեց, որ նախագծերի նկատմամբ վերաբերմունքն իրեն չեն զարմացնում, քանի որ ավագանու անդամների շարքերում կան մարդիկ, ովքեր ծաղրում են նույնիսկ քրիստոնեությունը, ինչի մասին տեսանյութեր կան:

Խաչատրյանը նաև հայտարարեց, որ ավագանու անդամներ կան, ովքեր արդեն 5-րդ անգամն են բացակայում նիստերից, ինչով պայմանավորված, օրենքով պետք է հեռացվի: Օրինակ Եվա Թովմասյանը պետք է հեռացվի, քանի որ արդեն 5-րդ անգամ հեռացվում է:

Հայկ Մարությանը նշեց, որ վերոնշյալ օրենքը պետք է հենց ավագանին հաշվի առնի:

Հավելենք, որ Իմ քայլը նախագծերը մերժելու մասով որպես հիմնավորում ներկայացնում է հիմնականում ֆինանսական դրդրապատճառներից ելնելով:

Իմ քայլի անդամ Գրիգոր Երիցյանը նշեց, որ քննարկումն ընթանում է ոչ գործընկերային, անտակտ ու գռեհիկ մթնոլորտում. «Ցավում եմ, որ մի կողմից բերում են սրբերի մասին նախագիծ, մյուս կողմից Իմ քայլի անդամներին դիշովկա է անվանում: Երեսպաշտություն պետք չի անել»:

Նախագիծն ընդունվեց, Գրիգոր Լուսավորչի փողոցը կկրի Սուրբ Գրիգոր Լուսավորիչ անունը:

  • 78
  •  
  •  
  • 1
  •  
  • 1
  •  
  •  
  •  
    80
    Shares

Նույն շարքից