գլխավոր Հասարակություն 

«Amnesty International»-ը հայտարարություն է տարածել՝ պաշտպանելով Հենրիխ Մխիթարյանին

«Amnesty International» իրավապաշտպան կազմակերպությունը հայտարարություն է տարածել ՈՒԵՖԱ-ի լիգայի եզրափակիչի շուրջ ստեղծված իրավիճակի մասին:

Ընկերության տնօրեն Քեյթ Ալլենի հայտարարության մեջ նշվում, է, որ կազմակերպությունն ուժեղացնում է ճնշումն ՈւԵՖԱ-ի վրա և կարծում է, որ չպետք է Ադրբեջանին թույլ տալ սպորտի միջոցով մաքրել մարդու իրավունքների ոլորտում իր սարսափելի հեղինակությունը:

Հայտարարության մեջ ասված է, որ Ադրբեջանում դաժան ձևով ոտնահարվում են մարդու իրավուքնները, հարձակումների են ենթարկվում լրագրողները, բլոգերները, իրավապաշտպանները, երկրում սովորական երևույթ են անարդար դատական գործընթացներ, և Բաքուն շատ հաճախ սպորտն օգտագործում է, որպեսզի միջազգային հանրության ուշադրությունը շեղի խախտումներից, ինչի վառ օրինակն է կայանալիք Եվրոպայի լիգայի եզրափակիչն ու Հենրիխ Մխիթարյանի շուրջ ստեղծված իրավիճակը:

Կազմակերպությունը կարծում է, որ ֆուտբոլի երկրպագուները, ՈւԵՖԱ-ի աշխատակիցները և ամբողջ ֆուտբոլային աշխարհը պետք է աջակցեն, որպեսզի Ադրբեջանում դադարեն հետապնդել մարդկանց, ովքեր դարձել են գործող նախագահ Իլհամ Ալիևի քաղաքականության զոհերը:

  • 91
  •  
  •  
  • 1
  •  
  • 1
  •  
  •  
  •  
    93
    Shares

Նույն շարքից