Այսօր՝ մայիսի 23-ին, կառավարության նիստի ժամանակ քննարկվեց և ընդունվեց նախագիծը, որը վերաբերում է երեխա որդեգրել ցանկացող անձանց:
Նախագծով հաստատվում է որդեգրել ցանկացող անձանց նախապատրաստական դասընթացների կազմակերպման և անցկացման կարգը և որդեգրել ցանկացող անձանց նախապատրաստական դասընթացների ծրագրի բովանդակությունը և դրան ներկայացվող պահանջները:
Վերոնշյալ նախագիծը ներկայացրեց Աշխատանքի և սոցիալական հարցերի նախարար Զարուհի Բաթոյանը:
Դասընթացների ժամանակ որդեգրել ցանկացող անձին կտրամադրվեն հոգեբանական, մանկավարժական և իրավական գիտելիքներ երեխայի խնամքի և դաստիարակության համար:
