Տավուշի մարզի Չինարի գյուղի գյուղապետ Սամվել Սաղոյանը ասել է, որ հակառակորդը գյուղն ամեն օր գնդակոծում է: Նա հիշեցրել է, որ երկու օր առաջ էլ կրակել են կոմբայնավարի, կարմիր խաչի մեքենայի վրա:
«Լարված իրավիճակ է, անընդհատ կրակում են, ինչ տեսակի զենքով ասես կրակում են, արդեն սկսել են նռնականետերով կրակել»,- ասաց գյուղապետը, ապա նշեց, որ այսօր դեռ չեն կրակել. «Կարթնանան, չայ կխմեն ու կսկսեն»:
Ինչ վերաբերում է հակադարձմանը՝ Սամվել Սաղոյանն ասաց. «Մերոնք հակադարձում են, լռում են, իսկ հետո նորից սկսում են կրակել, չեն դադարում»։
Սկզբնաղբյուրը՝ tert.am
