ՌԴ Գլխավոր հետախուզական վարչության նախկին հատուկջոկատային Նիկիտա Բելյանկինի սպանության մեջ կասկածվողներից մեկը ձերբակալվել է հունիսի 3-ին, Հայաստան թռչող օդանավում: Այս մասին հայտնում են ռուսական լրատվամիջոցները:
Տղամարդուն ձերբակալել են հենց օդանավի սրահում: Նրա անունն ու քաղաքացիությունը դեռ չի հայտնվում:
Ավելի վաղ հայտնվել էր, որ ձերբակալվել է ևս 2 կասկածյալ:
Ոչ պաշտոնական տեղեկություններով ենթադրյալ մարդասպանը հայ է՝ Գրիգոր Օհանյանը, ով տեղի բարերից մեկի սեփականատերն է: Ռուսական լրատվամիջոցները գրում են, որ սպանության հաջորդ օրը Օհանյանը մեկնել է Երևան:
Սիրիայում մարտական գործողություններին մասնակցած նախկին հատուկջոկատայինը սպանվեց հունիսի 1-ին: Նա փորձել է հանդարտեցնել ծեծկռտուքի մասնակիցներին, ինչի արդյունքում դանակահարվել է և տեղում մահացել:
