Սոչիում կայացավ Վլադիմիր Պուտինի հանդիպումը ՀՀ նախագահ Սերժ Սարգսյանի հետ:
Այս մասին տեղեկանում ենք Կրեմլի պաշտոնական կայքից: Ներկայացնում ենք զրույցը.
Վ. Պուտին- Հարգարժան Սերժ Ազատիչ, հարգարժան ընկերներ և գործընկերներ,
Նախ ցանկանում եմ շնորհակալություն հայտնել, որ ընդունեցիք մեր առաջարկը և եկաք Ռուսաստան՝ Սոչի: Ես հայ-ռուսական հարաբերություններին բնութագիր տալու կարիք չունեմ, դրանք կրում են բացառապես ընկերական, ռազմավարական բնույթ, ինչի մասին են վկայում նաև Հայաստանի, Հայաստանի իշխանության վերջին որոշումները՝ թե Մաքսային Միությանն անդամակցելու, և թե Եվրասիական տնտեսական միությանն անդամակցելու որոշումները: Աշխատանքը շարունակվում է, և ես կուզենայի ձեզ տեղեկացնել, թե տվյալ աշխատանքներն այսօր ինչ վիճակում են գտնվում:
Բնականաբար, մենք շատ հարցեր ունենք քննարկելու երկկողմ հարաբերությունների մասով, միանշանակ, կխոսենք: Հնարավորություն կա նաև մանրամասն քննարկել ղարաբաղյան կարգավորման հետ կապված հարցերը: Ուստիև, մեր օրակարգը շատ ծավալուն է և հագեցած:
Ես շատ ուրախ եմ ձեզ տեսնել: Բարի գալուստ:
Ս.Սարգսյան- Շատ շնորհակալություն, Վլադիմիր Վլադիմիրովիչ, Սոչի՝ այս հանդիպմանը հրավիրելու համար:
Մեր վերջին հանդիպումից հետո անցել է երեք ամիս, և անհրաժեշտություն կա ամփոփել մեր որոշ պայմանավորվածությունները: Բացի մեր երկկողմանի հարաբերությունների օրակարգից, ես նույնպես կուզենայի քննարկել մի քանի հարցեր, որոնք կապված են ինտեգրացիոն գործընթացների հետ՝ մասնավորապես Հայաստանի՝ ԵՏՄ-ին միանալու պայմանագրի հետ:
Իհարկե, մեզ անհանգստացնում է դրությունն Ուկրաինայում: Եթե Դուք անհրաժեշտ համարեք, Վլադիմիր Վլադիմիրովիչ, տեղեկացրեք, խնդրում եմ, այն միջոցների մասին, որոնք կիրառում է Ռուսաստանը, իսկ ես իմ հերթին Ձեզ մանրամասն կներկայացնեմ մեր տարածաշրջանի դրությունը և Ադրբեջանի կողմից կանխամտածված հայ-ադրբեջանական սահմանին և շփման գծում դրությունը թեժացնելու պատճառները:
Շատ շնորհակալ եմ ջերմ ընդունելության և աշխատանքային լավ պայմաններ ստեղծելու համար:
Հիշեցնենք, որ ավելի վաղ Պուտինը հանդիպել էր Ադրբեջանի նախագահ Ալիևի հետ:
