Չափազանց ուշագրավ է, որ հունիսի 7-ին Նախիջևանում մեկնարկող «Անխախտ եղբայրություն» անվանումով ադրբեջանաթուրքական համատեղ զորավարժությունների համար փորձ է կատարվում ապահովել նաև անհրաժեշտ քարոզչական աջակցություն, ինչը պարունակում է նաև որոշակի անհանգստացնող տարրեր։
Թուրքական աղբյուրի վրա հղմամաբ, Բաքվի բռնապետի քարոզչամեքենայի տխրահռչակ ռեսուրսներից մեկը խոսում է Հայաստանի իբր աջակցությամբ Իգդիրում և Նախիջևանում «Քրդստանի բանվորական կուսակցության» մարտիկների կողմից «սադրանքների» մասին։ Երևանին է մեղսագրվում մասնավորապես Թուրքիայի և Նախիջևանի միջև Դիլուջու սահմանային անցակետում այս տարվա մայիսի կեսերին գազ տեղափոխող ադրբեջանական բեռնատարի վրա անհայտ անձանց կողմից հրազենային կրակ բացելը, ինչն ակնհայտ ապատեղեկատվություն է և սուտ։
Հաշվի առնելով վերնոշյալը, կարծում եմ՝ այս օրերին գերակտիվ աշխատանք է պահանջվում, թե՛ Ադրբեջանին դիմակայող հայաստանյան քարոզչության համար պատասխանատու մարմիններից և թե՛ այլ պատկան կառույցներից։ Մասնավորապես, հաշվի առնելով Նախիջևանում առկա համատեղ շահերը, Հայաստանը կարող է որևէ մակարդակում խնդրի վերաբերյալ խորհրդակցություններ նախաձեռնել Ռուսաստանի և Իրանի հետ։
