Սահմանադրական դատարանի մոտ մի խումբ քաղաքացիներ բողոքի ակցիա են իրականացնում՝ պահանջելով ՍԴ նախագահ Հրայր Թովմասյանի հրաժարականը: Այստեղ կան նաև ոստիկաններ, ովքեր թույլ չեն տալիս ցուցարարներին մոտենալ դատարանի մուտքին:
Քիչ առաջ մի քանի ցուցարար փորձեցին ճեղքել ոստիկանական պատը և մուտք գործել Սահմանադրական դատարան: Ակցիայի մասնակցիների փորձը հանդիպեց ոստիկանության դիմադրությանը, ինչի արդյունքում իրավիճակը լարվեց, եղավ նաև հրմշտոց:
Արդյունքում ցուցարարներին հեռացրեցին ՍԴ-ի մուտքի մոտից:
Ակցիան շարունակվում է:
