Ես շարունակում եմ պնդել, որ Արզուման Հարությունյանը ՀՀ ԱԱԾ լավագույն սպաներից, գեներալներից մեկն է, ազնիվ ու պրոֆեսիոնալ գեներալ է: Նա չի հեռացվել աշխատանքից, այլ իր անձնական դիմումով ազատվել է պաշտոնից: Այս մասին լրագրողների հետ զրույցում հայտարարեց ԱԱԾ տնօրեն Արթուր Վանեցյանը՝ խոսելով իր տեղակալի հրաժարականի մասին:
Հիշեցնենք, որ Արզուման Հարությունյանը ԲԴԽ նախկին նախագահ Գագիկ Հարությունյանի եղբայրն է և հրաժարական տվեց եղբորից հետո:
Վանեցյանը հրաժարվեց մեկնաբանել Գագիկ Հարությունյանի հրաժարականը, իսկ Արզուման Հարությունյանի դիմումի մասով ասաց, որ այնտեղ բառացի գրված է եղել՝ «խնդրում եմ ինձ ազատել ծառայությունից կենսաթոշակային տարիքը լրանալու և երկարաժամկետ ծառայության համար»:
ԱԱԾ տնօրենը նշեց, որ Արզուման Հարությունյանի տեղը պետք է նոր տեղակալ նշանակվի: Թեկնածուների մասով կոնկրետ անուններ չասվեց:
