ՀՀ ԱԺ մշտական հանձնաժողովներում և դրանց համատեղ նիստերում շարունակվում են «ՀՀ 2018 թ. պետական բյուջեի կատարման մասին» տարեկան հաշվետվության նախնական քննարկումները:
Դեռ շաբաթվա սկզբին, երբ քննարկումները նոր էին մեկնարկում, վարչապետ Փաշինյանը հայտարարել էր, որ բոլոր գերատեսչությունների հաշվետվությունները ներկայացվելու են դրանց ղեկավարների մակարդակով: Սակայն, ինչպես երևում է, դա տեղի չի ունենում:
Այսօր Աշխատանքի և սոցիալական հարցերի նախարարության հաշվետվությունը ներկայացնում է փոխնախարար Սմբատ Սաիյանը:
Մինչ փոխնախարարը կներկայացներ հաշվետվությունը, Մանե Թանդիլյանը հայտարարեց, որ բոլոր նախարարները քննարկումների գրաֆիկի մասին տեղեկացվել են մեկ ամիս առաջ, որպեսզի կարողանան այնպես անել, որ մասնակցեն նիստերին:
Սմբատ Սաիյանն իր հերթին նշեց, որ նախարար Զառա Բաթոյանը գործուղման մեջ է, դրա համար չի կարողացել ներկայանալ:
