Մեր հարաբերություններում կոնստատնտներ կան: Ռուսաստանը պետք է Հայաստանին, Հայաստանը պետք է Ռուսաստանին: Լրագրողների հետ հանդիպմանը հայտարարեց Հայաստանում ՌԴ դեսպան Սերգեյ Կոպիրկինը՝ անդրադառնալով Միքայել Մինասյանի հոդվածին, որ հայ-ռուսական հարաբերություններում, այսպես ասած, վերակառուցում է պետք:
Դեսպանի խոսքերով, Ռուսաստանը հետաքրքրված է ուժեղ, բարգավաճող Հայաստանի գոյությամբ. «Հայաստանը մեզ համար հուսալի դաշնակից է: Հարաբերություններում տարբեր տարբերակները կարելի է քննարկել, սակայն կարևորն այն է, որ պահպանվեն կոնստատնտները, որոնց մասին նշվեց»:
Կոպիրկինը խոսեց նաև ՌԴ ԱԳՆ պաշտոնական ներկայացուցիչ Մարիա Զախարովայի հայտնի գրառման մասին՝ կապված Փաշինյանի խոսքը մեջբերելու հետ, ինչպես նաև հայ օգտատերերի արձագանքի մասին: Դեսպանը մասնավորապես նշեց, որ Զախարովան ամեն ինչ պարզաբանել է, հարցը, ըստ էության, փակ է. «Կարծում եմ, որ առաջին էմոցիոնալ պոռթկումը կանցնի, իսկ իրական, օբյեկտիվ վերաբերմունքը Մարիա Զախարովայի գրառման հանդեպ՝ կմնա»։