Ամռան տարեշրջանին բնորոշ են սողունների՝ առավելապես օձերի ակտիվ տեղաշարժերը:
Հաշվի առնելով այն փաստը, որ ամառային ամիսներին մարդաշատ են նաև մայրաքաղաքի ու քաղաքամերձ տարածքների այգիներն ու պուրակները, կանաչ գոտիներն ու բացօթյա տարածքները, Երևանի քաղաքապետարանը հորդորում է ցուցաբերել զգուշավորություն՝ հնարավոր հետևանքներից խուսափելու նպատակով:
Այդուհանդերձ, մայրաքաղաքի բուժհաստատությունները ապահովված են անհրաժեշտ քանակի հակաթույնով:
Օձի խայթոցի պարագայում տուժողին հարկավոր է անհապաղ տեղափոխել մոտակա բուժհաստատություն:
Ի դեպ, տուժողներին մայրաքաղաքի հիվանդանոցներում բուժօգնություն կցուցաբերվի նաև հանգստյան և տոն օրերին՝ շուրջօրյա: