«Левада-центр»-ը պարզել է, թե որ երկրներն են ռուսաստանցիների կարծիքով Ռուսաստանի համար բարեկամ և դաշնակից: Այս մասին հայտնում է Ռուսարմինֆոն:
Հարցման արդյունքները ցույց են տալիս, որ ավելի ու ավելի շատ ռուսաստանցիներ են մտերիմ բարեկամ համարում Բելառուսը, Հայաստանը, Ղազախստանը և Ադրբեջանը:
Մասնավորապես Հայաստանի դեպքում հարցվածների 22 տոկոսը համարում է, որ Ռուսաստանը գործ ունի բարեկամ երկրի հետ: 2018 թվականին այս ցուցանիշտ 11 տոկոս էր:
Բելառուսին բարեկամ համարում է 62 տոկոսը, Ղազախստանին՝ 38 տոկոսը, Ադրբեջանին՝ 16 տոկոսը, Չինաստանին՝ 42 տոկոսը:
Ինչ վերաբերում է թշնամական վերաբերմունք ունեցող երկրներին, ապա այստեղ հայտնվել են ԱՄՆ-ը, Ուկրաինան և Մեծ Բրիտանիան:
