Հռոմում, 97-րդ տարեկանում կյանքից հեռացել է թատրոնի և կինոյի իտալացի հայտնի ռեժիսոր Ֆրանկո Ջեֆիրելլին։ Այս մասին հայտնում է ՌԻԱ Նովոստին՝ հղում անելով վերջինիս անունը կրող ֆոնդի ներկայացուցիչներին։
«Մի քանի րոպե առաջ կանգ է առել Ֆրանկո Ջեֆիրելլիի սիրտը։ Նա ծնվել էր Ֆլորենցիայում։ Մահը վրա է հասել երկարատև հիվանդությունից հետո։ Նրան հողարկավորելու են Ֆլորենցիայի «Պորտե սանտե» գերեզմանատանը»,-ասված է ֆոնդի տարածած հայտարարության մեջ։
