ՀՀ Ազային ժողովի նախագահ, ՔՊ վարչության անդամ Արարատ Միզոյանը տեղյակ չէ, թե արդյոք Սասուն Միքայելյանի հետ կապված կուսակցությունում քննարկում եղել է, թե ոչ: Այս մասին այսօր` հունիսի 16-ին, «Քաղաքացիական պայմանագիր» կուսակցության համաժողովին լրագրողների հետ զրույցում ասաց Միրզոյանը։
«Ես էդպիսի տեղեկատվության չեմ տիրապետում, կարծում եմ շատ սպառիչ եւ հստակ ասում եմ»,- ասաց նա` շեշտելով, որ ինքն այդպիսի քննարկման չի մասնակցել, բայց ընդհանրապես բոլորի հետ կապված քննարկումներ լինում են:
Լրագրողի դիտարկմանը, թե մամուլում գրում են, որ ՔՊ կուսակցության որոշ անդամներ, այդ թվում ինքը, Լենա Նազարյանը դիրքերը զիջել են, Արարատ Միրզոյանը պատասխանեց. «Դուք էստեղ դիրքեր տեսա՞ք: Դե մամուլն ամեն ինչ էլ գրում է, ես չեմ կարծում, որ «Քաղաքացիական պայմանագիր» կուսայցությունում հիմա ինչ-որ դիրքեր կան, ախր ստերեոտիպերով ենք մտածում, մենք մտածում ենք, որ իշխանական կուսակցությունում անպայման պետք է լինեն ինչ-որ դիրքեր, առանձին իրար տակ փորել, խարդավանքներ, ինտրիգներ, «Քաղաքացիական պայմանագիր» կուսակցությունում էդպիսի բան չկա»:
Նա նշեց, որ կուսակցությունում միայն մրցակցություն է գնում, ինչը միշտ է եղել. «Իսկ դիրքերը, ես չգիտեմ` իմ դիրքերն ինչպիսին են եղել, հեսա քվեարկության արդյունքներով կերեւա»:
