Այսօր՝ հունիսի 18, ԲՀԿ առաջանորդ Գագիկ Ծառուկյանը լրագրողների հետ զրույցում, խոսելով իր ստացած ծանուցագրի մասին, նշեց. «Ծանուցագիրը, որ ուղարկում են, պետք ա դնեմ ռամկայի մեջ ու կախեմ պատի՞ն: Ծանուցագիրը ստացել եմ, ուրիշ ինչ հարցեր կան»:
Հարցին, թե պատռել է արդյո՞ք այն, Ծառուկյանը պատասխանել է՝ ինչ պետք է կպցներ պատի՞ն. «Առանց ծանուցագրի, որ գնայի, չէին ընդունի՞: Համապատասխան ես փաստաբանի միջոցով պատասխանել եմ: Քանի որ բոլորն օրենքի առաջ հավասար են և պետք է լիարժեք հարգեն օրենքը, և ես միայն մի բան եմ ուզում ասել, որ բոլոր լրագրողներն էլ, հանրությունն էլ իմանա, որ մեր սահմանադրության 96 հոդվածի պատգամավորն իր կարծիքն ասելու համար ոչ հետապնդման և ոչ էլ պատասխանատվության չի ենթարկվում»:
Ծառուկյանը հայտնեց, որ ծանուցագիրը ստացել է ու իր փաստաբանի միջոցով իր պատասխանն ուղարկել է ՔԿ:
Հարցին, թե ինքը չի գնալո՞ւ ՔԿ, Ծառուկյանը նշեց, որ դրա կարիքը չկա, ինքն արդեն փաստաբանի միջոցով պատասխանել է:
Ինչ վերաբերում է հարցին, թե ով է իր նկատմամբ գրոհ կազմակերպող, ԲՀԿ առանորդն ասաց, որ դեռ չգիտի, երբ իմանա, կասի. «Ով այդ մասին ասել է, նրան հարցրեք: Բոլոր պատգամավորներն ազատ են իրենց կարծիքն ասելու: Եթե հարց կա, որ պետք է քննարկվի խմբակցությունում, այդպես է արվում, իսկ մնացած դեպքերում պատգամավորն ազատ է իր կարծիքն արտահայտելու»:
Վերադառնալով ծանուցագրի թեմային, Ծառուկյանն ասաց, որ այն չպետք է դներ ռամկայի մեջ ու կախեր պատին՝ Այվազովսկու նկարի կողքը:
ԲՀԿ առաջնորդը կրկնեց խոսքերը, որ ծանուցագիր ուղարկելն անհարգալից վերաբերումքն է եղել իր նկատմամբ, քանի որ Սահմանադրության 96-րդ հոդվածով դրա իրավունքը չեն ունեցել. «Ամեն դեպքում ես իմ փաստաբանի միջոցով ուղարկել եմ իմ խպատասխանը»:
