ԱՄՆ պետքարտուղար Մայք Պոմպեոն զգուշացրել են Իրանի առաջնորդներին, որ Իրանի կամ նրա վստահելի անձանց կողմից ցանկացած հարձակում, որը կհանգեցնի գեթ մեկ ամերիկացի զինծառայողի զոհվելու, բերելու է ԱՄՆ-ի հետ ռազմական շփման: Այս մասին հայտնում է The Washington Post-ը:
Աղբյուրը հայտնում է, որ նման հաղորդագրություններից մեկն ամերիկյան կողմը փոխանցել է մայիսին, երբ Պոմպեոն այցելեց Բաղդադ: Համապատասխան զրույցը ԱՄՆ պետքարտուղարն ունցել է Իրաքի առաջնորդի հետ, ով այդ մասին պետք է փոխանցեր Իրանին:
Նշենք, որ վերջին շրջանում Իրանի և ԱՄՆ-ի հարաբերություններն ավելի ու ավելի են լարվում: