Թաիլանդի մայրաքաղաքում ընդդիմությունը բողոքի նոր ակցիա է անցկացնում՝ ընդդեմ կառավարության եւ խորհրդարանական ընտրություններ անցկացնելու նրա մտադրության։ Իրավապահների տվյալով՝ ակցիային կարող է միանալ 50 հազարից ոչ պակաս մարդ։
Ցուցարարները հավաքվել են քաղաքային Լյումպինի այգում, հայտնում է ԻՏԱՌ-ՏԱՍՍ-ը։ Ընդդիմության գլխավոր պահանջներից է «տաքսինիզմի ռեժիմի վերացումը» Թաիլանդի քաղաքական կյանքից եւ վարչապետ Յինգլակ Չինավատի հրաժարականը։
